مساء الخير .. وكل عام وانتو بخير يارب
ذوات الشعر الجاف واللي يتشابك بسرعه تجي تهجم بسرعه ( بشويش بشويش ) ههههه
- استخدامي للمنتج مايقارب سته اشهر ( مده طويله اخذت راحتي فيه ) .
عن المنتج :
قالوا ان هذا الزيت الرفيق المثالي للعنايه بالشعر وحمايته، حاصل على جائزه الفوز مستوحى من سته زيوت نادره.
يوفر الغذاء لجميع أنواع الشعر .
جربت عده انواع اخر نوعين هالعبوتين واحد للشعر الجاف والجاف جدا والثاني للشعر المصبوغ بحكم اني صابغه شعري ويحتاج شعري لنوع من الترطيب .
طريقه استعماله له طريقتين :
الاولى اللي انا ما احبها ابدا ومليت من كثير استعمالي للزيوت بالسنوات الماضيه اطبق الزيت لكم ساعه وبعده اغسله.
كرهتها لانها توسخ وتاخذ وقت وغير كذا ماحس استفدت وحكمت اكثر ان شعري نفسه نفسه لما كنت استعملها وبعد ماتركتها ممكن لاني ما اعاني الا من جفاف وتموج الشعرات ولله الحمد .
الثانيه واللي هي مريحه و استفدت كثير منها بعد الشاور اجفف شعري بالمنشفه مو مره يجف الشعر لا يكون رطب
( للبنات اللي يعانون من التشابك والجفاف ماتترك شعرها لحد مايجف تماما من الماء وتبدأ تحط المنتجات ماراح تلاقي نتيجه مرضيه بعكس لما تمشط شعرها وهو رطب ).
خذي فرشاه اسنانها متباعده عن بعض و تنفع للشعر اللي يتشابك وابدي حطي بيدك كم ضغطه من الزيت ووزعيه على شعرك الاطراف و بالوسط و الاعلى ( تركيزي بالاطراف والوسط ).
وخذي الفرشاه و مشطي من الاسفل فككي التشابك من تحت واطلعي شوي شوي لحد ماتنتهي من التمشيط ان حسيتي محتاجه زيت اضيفي انتي راح تقدري كم يحتاج شعرك لا تكثرين ولا تقللي .
وبوقتها وانتي تمشطي شعرك راح تحسين انها بدا يتفكك من التشابك وصار مريح بالتسريح اكثر .
بجد هالمنتج ماصرت استغني عنه ابد مريح بشكل ساعدني كثير واحتفظ لي بالرطوبه بشعري لليوم الثاني .
ميزه هذا الزيت خفيف جدا جدا ماتحسي انك حاطه كنه سيروم وريحته لطيفه وماتبقى بالشعر يعني لاتخافي انه بيدبق او بيخرب السشوار بالعكس تماما.
جربيه والتجربه خير برهان و ان شاءالله يناسب كل وحده تعاني من هالتشابك والجفاف المزعج اللي يخلي الشعر كنه مشهب ومافيه روح .
سعره في متناول الجميع و باماكن كثير بآي محل عادي وبالصيدليات ٤٠ ريال سعره .
ـ بعض الشغلات اللي استفدت منها او اللي احسها منقذه لي ولشعري اذا حسيته جف مره او عندي مناسبه هاذي الماسكات هنا و هنا للاطلاع تدوينات سابقه .
جربته ويجنن 🌸
ReplyDeleteواعتبره من مفضلاتي