عام جديد و تغيرات جديدة ، احد هالتغيرات التخطيط الورقي اكتب المهام و الأهداف على ورق بحيث تكون قدام عيوني و ما انساها او اتجاهلها، لإن الشيء كل ما كان قدامك تحس انه لازم تسويه ماراح ترتاح لين تنتهي منه. انا بحكم نسياني وكسلي احيانا ما اقدر اسيطر على نفسي و اكتفي بالتجاهل و التقاعس و اسوي شيء ابدااا. جربت اكتب مهام و اشغالي كل يوم بيوم و الحمدلله حسيت الوضع عجبني و يومي صار منظم، اصحى من نومي و اشيك وش اسوي اليوم من اشغال . لو ما التخطيط مهم ما كان احد حثّ عليه ماهو هبة حقت سنه سنتين هو قديم بس قليل اللي يسويه ليش ما كل وحده تكتب النتيجه اللي وصلت من التخطيط مو مرتبط بموظفة و الا طالبه المهام والاشغال مستمرة طول ما انتي عايشة حتى نستشعر قيمة الوقت و ما يروح سُدى !! لا ننسى قول الحديث النبوي " عن عُمرِه فيِما أفنَاه " . - مثال لتخطيط خفيف خلال يوم : تجهيز فطور ملكي لنفسي او لعائلتي، اقرأ كتاب مع كوب قهوة ، آسوي سلطة ، ادرّس اولادي ، اخذ شاور ينعشني و هكذا دلعي نفسك بالكلمات مو كأنك تأمرينها خصوصاً بالمهام أما الأهداف كُوني جدية اكثر اعطي كل ذي حقٍ حقه .