تنسيقات للدوام والمناسبات وشويه الهام

مرحبا صبايا ..

حبيت اغير في التدوين او اضيف شغلات جديده شوي

واضفت قسم الفاشن او تنسيق لوكات بين وقت والثاني وان شاءالله التزم فيه و ماانساه .....

التنسيقات بسيطه مكونه من كذا قطعه ماحبيت اكثر كلها تدور في دائره وحده عشان تعطيك شويه الهام وتطلعي 

من السوق بتنسيقات منوعه خصوصا للدوام من طالبات ومعلمات او حتى لطلعه خفيفه .

القطع الاساسيه بتشوفونها باللون الابيض بما انه اللون الدارج وبعد يناسب تدخلي معاه اي لون ثاني .

نبدأ..

الكروب توب هذا وقعت ف حبه حبيته وحبيت التفاصيل اللي فيه و قماشه بطل ماهو شفاف مرا انيق وبنفس الوقت سمبل .

نسقت عليه هذا الكيمونو من الاشياء الدارجه برضو هالفتره ..ينفع تلبسين تنوره الستريت او القصه المستقيمه لون اسود 

للدوام او الرمادي الفاتح جدا او بنطلون جينز ولك حريه التنسيق لانه مايقيد .

ولبست هالصندل جميل باللبس كان التنسيق لي كاجول ..

التوب : سترافيدوس

الكيمونو : سترافيدوس 

الشوز : اف&اف

التنسيق الثاني البلوزه اللي تجي قصيره من قدام وطويله شوي من ورا.

نسقت معاها النيكلز هذا مع بنطلون او تنوره وشوز مره اليقنت .

ومره نسقت الكيمونو طالع جدا جميل مع تنوره دانتيل او جيبور اسود .

البلوزه : اف&اف

الكيمونو: سترافيدوس

النيكلز: ايكونيك

الشوز: نيولوك

التوب الجيبور لبسه لحاله يكفي جماله منه وفيه تقدرين تنسقس عليه جاكيت جينز او كارديقان اي لون وينفع فخم وينفع كاجول بسيط .

التوب: اف&اف

الجينز: من زماان عندي اتوقع سيتي ماكس او سنتر بوينت

وخلصت التنسيقات اتمنى انها تفيدكم و تلهمكم لتنسيقات ثانيه.