ماسك الافوكادو والموز للشعر الجاف

السلام عليكم والرحمة ...

( ماسك الافوكادو والموز للشعر الجاف ) 

لكل صنف من هذا الماسك فائده عظيمه سواء للشعر وغيره من شهر تقريبا بدأت باستعمال هذا الماسك

مشاكل شعري 

*جفاف مع الصبغه

*نوعه بالاساس متموج نعومه خفيفه واحيانا عنيد

*بهتان

*تقصف

جربت استخدم هالماسك شفت مدح كثير عليه من اليوتبرز وبعض البنات بالمنتديات

مكوناته:

*حبة افوكادو مستويه جدا

*حبة موزه مستويه

*مايونيز (حسب كثافه الشعر )

*زبادي (حسب كثافه الشعر)

*عسل (حسب كثافه الشعر)

للي حابه تضيف أي زبدة للشعر أو قطرات من زيوتها المفضله 

صبغة شعري بيصير لها سنتين دمرت شعري من حيث الجفاف والتكسير صرت مااعرف اتعامل مع شعري بشكل مريح عانيت جدا بالرغم كنت اضع عليه ماسكات مغذية بس معروف الصبغه تضر قليلا وخاصه الشعر الجاف.

الماسك جربته مرتين بالأسبوع افرده على شعري واضع قبعة بلاستك واحكمها بشكل جيد عشان مايدخل الهواء لمدة ساعتين.

اغسله بالشامبو.

مع الأيام احس شعري تحسن فيه حيويه قدرت أسرحه أفضل من أول وأن شاءالله بستمر عليه.

انصحكم تجربونه بصراحه لانه مغذي جدا ولطيف على الشعر.

كثرة الزيوت تضر بالشعر أكثر من أنها تفيده لان بعض أنواع الشعر لاتفيده الزيوت.

يوم من الايام راح أتكلم بشكل أوسع عن الشعر..

أتمنى يعجبكم الماسك واذا أحد جربه يذكر تجربته بالتويتر ..