مراجعه قناع الطين الآيوني من ذا بودي شوب

مسآء الخير ..

تدوينه عن قناع الطين الآيوني 

الفتره اللي راحت تقريبا قبل اربع آو خمس شهور بشرتي تحسست وصارت كلها حبوب حمرا اول مره بحياتي تصير معي كذا بكامل الوجه وكبيره كانت فيه دواخل مفجعه بذيك الفتره انتكاسه بالآكل كله اكل غير صحي ومطاعم و بعد و اتوقع ان بشرتي تحسست من فرش المكياج بالصالون لإن على طول تغيرت بشرتي كنت عارفه بتصير هالشغلات كنت ابغى اجيب اغراضي معاي بس مدري كيف نسيت مع الضغط فانتبهوا من الشغله ذي يابنات وقتها  بجد كرهت نفسي وبشرتي .

اعتزلت الميك اب لان لا حبوب ولا جفاف في بعض الاماكن و دهون زايده البشره ابدا ما كانت متزنه .

بديت اغير الروتين اللي انا عليه اول شي عملته :

ـ  خففت كل اللي كله دهون ووجبات سريعه خصوصاً في الليل .

ـ غيرت الغسول والتونر جبت شي اقوى عشان انشف هالحبوب و اوزان الدهون مع الايام .

ـ اكل شبه صحي ومويا كثير .

هاذي اول الخطوات المبدئيه اللي ممكن تعالج هالمشاكل و بما اني عارفه بشرتي ايش تحتاج لما تطلع حبوب .

ماني حابه استرسل بالخطوات اكثر لإن تسليط الضوء عن ماسك الطين بس لو حابين عملت بوست ثاني .

ـ التعريف بالمنتج :

قناع الطين و الآعشاب البحريه صُنع للحد آو التخفيف من الدهون على البشره، يعمل على تنظيف و تطهير البشره من الشوائب والدهون، ينعش البشره .

ـ طريقه استخدامه :

يطبق على البشره وتجنبي منطقه العينين وحول الفم قوامه كريمي ثقيل يصعب علي مده على البشره قليلاً 

انتظري لمده ١٠ دقائق ثم ازيليه بالماء الدافيء او منشفه مبلله بالماء الدافىء وبعدها اغسلي وجهك بالماء البارد.

استخدامي للمنتج و النتيجه :

كنت استخدمه مره او مرتين بالاسبوع على حسب ماتحتاج بشرتي بالبدايه لازم مرتين اسبوعيا وهو بالاساس مرتين بالاسبوع فقط  بس احيانا انسى لكن مع مرور الايام الحمدلله بدت تنشف الحبوب و تصغر حجمها لان العنايه مستمره 

وبدت الدهون تقل و التي الزون اعتدلت نسبه الدهون بس بعدها بديت خفف منه السبب اني استخدم كريم مقشر ماينفع جفاف وجفاف يزيد القشور ويجفف الوجه اكثر يعني استخدميه حسب حاجتك ولكن المنتج جدا رائع بمجرد ما اغسله احس بنظافه ووجه منعش بجد حسيت بذوات البشره الدهنيه حسيت بالمعاناه مع فرط الدهون .

نسيت ما اذكر لكم انا بشرتي مختلطه مايله على الدهني اكثر واحيانا احيانا تجف اعلى الخدود حسب الجو واهتمامي فيها.

سعر المنتج : ٦٨ ريال والاسعار مو ثابته ترتفع تنزل .

مكان الشراء : ذا بودي شوب ومتوفره عند الاغلب .

و القآكم في بوست آخر شكراً .