السَلام عليكم ورحمه الله وبركاته ..
حبيت ابدأ تدوينتي اليوم عن بوتيك انشهر من فتره من خلال بحثي بالانستقرام .
الفتره اللي مضت كنت افكر بهديه وشي مختلف طاحت عيني على حسابهم عند وحده والله عجبتني الفكره في التقديم
انا انسانه تشدني التفاصيل الصغيره وغير كذا ان صاحبه البوتيك سعوديه وحبيت اجرب شي من بنات بلدنا.
بعد ما اخترت العقد اللي ابيه و العباره اللي ابيها واخذت المسؤوله عن الاوردر البيانات بشكل دقيق وجدي وغير كذا الالتزام بالموعد اخذ الطلب اسبوع بالتمام مثل ماقالت، كان التسليم مع مندوب لاني بنفس المنطقه وراح تلقون التفاصيل بحسابهم.
هذا العقد اللي اخترته تقريباً هو اكثر شي عجبني ( HORSE NECKLACE )
حبيت فكرته وشكله و بما آن صاحبه الهديه تحب الحصان وقع الاختيار عليه .
العقد هورس وبيبي هورس
آتوقع يصنف من المطليات هالعقد .
سعره كان = ٣٤٠ ريال
اسعارهم متفاوته على حسب العقد والنوع .
بعد ما استقبلت الطلب ولما فكرت اكتب عنهم بوست حبيت اعمل لقاء بسيط لصاحبه البوتيك اللطيفه ( العنود الشمري ).
عشان تكون عندكم فكره عن البوتيك و منها ندعم المصممين اللي في بلدنا ونفتخر فيهم لابد الكل يشجع الثاني بأي مجال
من المجالات كلمه شكراً لحالها تنقال للشخص راح تأثر فيه ممكن هو محتاج المديح والاطراد لانها جرعه دافعه للأمام.
حنا نمر في فتره احس الاستهزاء والسخريه طاغيه بشكل فضيع و نشوف هالنماذج كثير بالسوشال ميديا و حتى بالتجمعات ما بينا، لو كل منا يشيل الثاني هذا يدعم هذا و يسانده كان النجاج و الرقي نراه على الأغلب منا.
طيب اخليكم مع اللقاء القصير ..
- اول حاجه نبذه عن العنود الشمري بشكل بسيط كم عمرا و أين تعيش و ماذا درست ؟
العنود الشمري، عمري ١٩ سنه تخرجت عام ٢٠١٤ "السنه الماضيه" من الثانويه من القسم العلمي، ولد وتربيت وكبرت بالخبر.
- كيف بدأتي مشروعك؟
بدأت مشروعي فجأه ماكان في بالي اني ابدأ مشروع لكن من باب تقضية اوقات الفراغ لإن طلبت من والدي اني ارتاح سنه بعد تخرجي من الثانوي، طبعاً اا تجذبني الاشغال اليدويه عشان كذا بدأت وقررت ابدأ عمل حبه.
- من وين استوحيتي الفكره ولماذا اسميتي البوتيك بشارلوتييه؟
استواحيت الفكره من ماركة اجنبيه عجبتني و قررت اسويها بالعربي وبالانجليزي وتكون مصنوعه خصيصاً للشخص باسمه
وعبارات من اللي اهداه
الفكره مستوحاه لكن اضافه الاسم وتحويل الفكره بالعربي ماكانت موجوده قبل وجداً سعيده بهذا الشيء.
شارلوتييه هو اسم الخرز الزجاجي اللي تلاحظين اغلب تصاميمي منه وهو اسم فرنسي الاصل.
- ماذا اعتمدتي في صنع مجوهراتك ؟
عندنا ١٤٠ نوع سلسه منها الفضي والذهبي،ذهب،اكسسوار كوري،مطلي ذهب وفضه.
- كم لك سنه في هذا المجال وهل هناك افكار اخرى ؟
بدأت في صيف ٢٠١٤ شهر ٧ يوم ٧ واكيد في افكار جديده قادمه
وختمت اللقاء بسؤالي هل هناك موقع للبوتيك ؟
اجابت انه لازال تحت الانشاء و آنا اقول لها من هذا المكان تواصل لهدفها حتى يثمر وايضاً احب اوجه كلامي لفئه اخري
اصحاب سرقه الافكار !!
بجد شفت حساب آخر اخذ نفس الفكره ولازال مبتدئ انا لا اعلم مدى جوده الاحجار آو الشغل اللي يعملونه بس ليه سرقه فكره غيرك طيب ما جاك الهام من فكرتهم !
مافكرت شوي طبعاً انا شفت حساب شارلوتييه عمله برايفت يحق لهم صراحه اكيد الافضل هو اللي راح يبقى على الساحه
بس مهما شي يقهر لازلت في البدايه الافضل كل شخص او كل عمل يكتسب ميزه مختلفه عن غيره .
حساباتهم بالانستقرام والتويتر : CHARLOTTESS_SA
Comments
Post a Comment