السلام عليكم والرحمه،،
احترت في نوع التدوينه و غير كذا احيانا احس مافي تفاعل من المتابعين اتساءل هل اللي اقدمه يفيدكم ؟!
اليوم حبيت اتكلم عن فاونديشن ريميل بداية انا تعاملي مع كريم الأساس بسيط و انبسط كثير اذا كانت بشرتي صافيه وخاليه من الحبوب
اكتفي بدمج خفيف من الفونديشن نادرا احب التغطيه الشبه ثقيله ( لما اقول ثقيله اقصد زياده بالتغطيه من نفس درجه بشرتي )
هذا ثاني نوع اجربه من اساس الدرق ستور من بعد ماكس فاكتور جربت كذا اساس من ماكس وخلاص اكتفيت الحين بجرب انواع مختلفه
قبل لا ابدأ بوصف المنتج بتكلم شوي عن بشرتي ..
بشرتي نوعها .. مختلطه دهنيه منطقه التي زون والذقن
ساعات تكون جافه وغير صافيه فقط اذا اهملتها ..
المنتج هذا تغطيته كويسه ماهي ثقيله مره ولا خفيفه ينفع للاستخدام اليومي، يعطي توهج للبشره ماحبه كثير اذا كانت البشره فيها حبوب بارزه مدري احس كأنه دهون وحبوب مو حلو المنظر بينما البشره صافيه ومنعشه بيطلع بيرفكت .
التوهج هذا بيختفي اذا تبينه عند تثبيته بالباودر .
اذكر مره دمجته مع اساس ماكس فاكتور ماعطاني نتيجه جديده عاديه .
ماقول اني حبيته كثير وتعلقت فيه لا عادي .
يحتوي على نسبه 18 واقي من الاشعه هاذي ماتهمني كثير اذا بطلع بالنهار اكيد بحط واقي .
و كل ماخترتي درجتك بشكل صحيح واهتميتي ببشرتك من ناحيه نظافتها وترطيبها ماتكون جافه كل ماكانت بشرتك بالتغطيه اجمل .
المنتج مايحتاج احكي عنه كثير اذا احد جربه ييكتب لي بالتويتر او الانستقرام .
Comments
Post a Comment