my winter routine

اهلين وسهلين ومرحبتين 

روتين عنايتي للبشره بشكل بسيط خصوصا الفتره هذه مع أجواء الشتاء، انا بصراحه ما اجلس على على منتج معين

كل ما قرب شي يخلص اخذ غيره لزوم التنويع عشان الملل يروح .

البشره كل ماهتميتي فيها لو تنظيف بأي غسول او مقشر طبعا هي افضل من قوالب الصابون وبعدها رطبتيها بشكل خفيف

كل ماكانت مشرقه يوم بعد يوم و تتجنبين الحبوب والبثور وغيرها.

بتكلم عن المنتجات اللي استخدمها هالفتره .. وكلها بمتناول الجميع ان اخذتي غسول او مقشر يومي مو شرط تاخذين تونر وغيره

مو ضروري تكون كل منتجات التنظيف متوفره عندك ان ماقدرتي توفريها في بشرات تكتفي من منتج واحد وماتغيره بعد اذا ارتاحت له.

المرونه مطلوبه بكل شيء دام انا فكرت واهتميت ببشرتي بحد ذاته انجاز تقشير+ترطيب=بيرفكت.

أول شي ابلش فيه هالغسول من ( كلين آند كلير ) ارتاح لمنتجات هالشركه لازم انوع منها كل مره احط منه على فرشاة سيقما

واكون مبلله وجهي وابدأ تنظيف البشره ما استخدم هالفرشاه الا في الليل الصباح احطه دايركت بدون الآله هالمقشر بخلاصة البابايا والليمون شعور جميل لما اغسله مو مثل بعض المقشرات او الغسولات تعطيك جفاف كأن وجهك مشدود يخليك بسرعه ترطبي البشره 

هذا لا بصراحه وجه ناعم مع الاستمرار وماحس بشعور الجفاف .

هذا المنتج جديد بصراحه جل منعش زي ماهو مكتوب و مانتبهت انه للبشره العاديه !!!! المهم جربته مره وحده وحسيت من اول مره نتيجته نفس نتيجه كذا مقشر جفاف بالاخص الخدود بس مو معناته مو زين لا عادي بالترطيب بس انا ماحب هالاحساس راح استخدمه بشكل متبادل بينه وبين اللي فوقه عطيته بس حكم مبدئي انا اثق بمنتجات جونسون .

تونر ( clearasil )   هذا التونر كأنه ماء ماشفت منه اي نتيجه له فتره عندي بس ماحس كويس ماحبيته بس بستخدمه لين اتخلص منه الحسنه الوحيده فيه يزيل الشوائب الخفيفه او السطحيه فقط .

كريم جونسون المزيون اللي احط منه على وجهي وما يطلع لي حبوب دهنيه انا بشرتي مختلطه ما تتحمل دهون وكريم ثقيل ودبق على طول حبوب تطلع احط نقط بيدي واوزعها على الخدين اكثر شي وخفيففف على الجبهه والذقن استخدميه على الجسم ترطيب عالي افضل من اللوشن تبعهم .

 المناديل اللي ماستغني عنها انا واختي تريحني لما احس بالرطوبه والتعرق بالصيف او تساعدني في ازاله المكياج قبل لا اغسله في انواع منها ل-أنواع البشره جربوها وتنحط بالشنطه كمان.

نجي لكريمات الترطيب و بالنسبه للشفاه استخدم هالمرطب حبيته بزبده الشيا ترطيب لا بأس به .

وصورت المجموعه اللي استخدمهم هالفتره كل مره اغير واحد بس و ترطيبها يتفاوت كلها حلوه ويستمر معاك الترطيب لليوم الثاني 

لانها كلها كريمات دبقه وزبده الكاكاو وجل جونسون تعجبنني وتناسب جسمي الجاف انا احيانا ارطب مرتين باليوم اذا كان كريم خفيف

بس زيوت او زبد ارتاح عليهم الجفاف اتضايق منه كثير اذا ازداد البرد مع ملابس البرد ويسبب حكه احيانا 

كريم اليدين من فازلين احط منه واحط من اي كريم ثاني جرجنز او زبده وكمان رجولي _تكرمون_ .

اما لوشن الصبار ذا مامنه فايده مايرطب جسمي الا كم ساعه من الصيف عندي بس بتخلص منه هالفتره راح اخلطه مع كريم ثاني 

عاد ياحبني للخلط وحوسة الكريمات تجنبوا اللوشنات يا بنات ترطيبها ابو كم ساعه .

وانتهت التدوينه اتمنى عجبتكم واحب اشكر احد متابعاتي الحلوات بالانستجرام 

اقترحت لي فكرة التدوينه يسعدها 

اي تعليق وسوالف حياكم بالتويتر والانستجرام حبيباتي .