يامرحبا يامرحبا
وحشتوني قدن قدن احب التدوين والشغلات اللي اللي تملي فراغي بس اذا جت مزاجيتي
جعلننني مازين ولا أسوي شي :/ بس من الأساسيات الجديدة أتجنب هالمزاجيات العبيطه
اليوم التدوينه مراجعه لكريمين رائعه بصراحه أستخدمتها انا وأختي تناسب جميع أنواع البشرة.
الكريم الأول كريم النهار بيرفكت وايت كريم ثقيل القوام صعب يندمج على البشرة بعد وضعه على البشرة
يشكل قشور لصعوبة دمجه على البشرة شايفين العلبه فاضيه ومبين قوامه كريم مرطب و يساعد على تفتيح
التصبغات والبقع بس مو كل البقع أزالها يمكن يبي له وقت أكثر ايضا في نسبة للوقاية من الاشعة فوق بنفسجيه
بصراحه لاحظت وجه أختي فيه نور وترطيب لان بشرتها بالشتاء تجف كثير أنا لسه ماشفت شي واضح
راح أستخدمه وانتظر النتيجه أكيد يستخدم على بشرة نظيفه للحصول على نتيجه كويسه .
( يستخدم لمدة ثلاثة أشهر لحد أقصى)
سعره: 185 الحجم الصغير50مل متوفر بصيدلية الهلال
الكريم الثاني كونسنتري سي غني بفيتامين سي سهل الاندماج على البشرة أيضا يناسب جميع أنواع البشرة
مرطب للبشرة و أيضا يساعد على نضارة البشرة بصراحه المفروض يستخدم صباحا بس أنا استخدمه في المساء
بعد روتين الليل احط منه كم نقطه مع منتج آخر جميل جداَ بكتب عنه كمان لاحظت بشرتي بدت تتقشر أو بمعنى اصح
يزيل التصبغات ويصحح لونها قطعته اسبوع لان كان عندي مناسبات وخفت يزيد ويوضح مع المكياج وهذا الشي
اكررررره كره نتيجته على أختي جميله ايضا بحكم أنهااستخدمته مده أطول وراح نستمر عليه .
سعره غالي جدا على حجمه بصراحه 295 متوفر بصيدلية الهلال فيه بدائل من شركات أخرى بس رفضت أخذهم
حاطه في بالي لازم الأساس مايصلح التقليد أو المصنع تجي الفوائد أقل أو مو كلها تتوفر في المنتج .
اذا بتسألوني أرجع اشتريهم أقول لا ما عتقد لان ماشفت شي فنتج عن الكريمات الثانيه بإمكاني الاقي قريب من النتيجه
و أفضل بمنتجات بأقل سعر ومتوفرة على الأغلب بالصيدليات في تدوينات ملحقه لها لكريمات استفدت منها من ناحية
التصبغات وعدم توحيد اللون فيه اللي استفدت منها وفيه اللي مالاحظت شس ابدا أو اللي كانت نتيجه مؤقته.
اتمنى استفدتوا وشكرا
للتواصل معي على اليمين حساباتي المتاحه..
و الايميل : dalalmoh00@gmail.com
للتواصل معي على اليمين حساباتي المتاحه..
و الايميل : dalalmoh00@gmail.com