مراجعة لميك اب ماركه | سليك sleek Makeup Review

مرحبا جميعاً ..

من فتره وصلني من ماركة سليك ( البريطانيه )  ميك اب و نزلته بالانستا 

اليوم راح اعطيكم انطباعي عنه ..

قبل كل شي معروفه ماركة ( سليك ) . باسعارها المتوسطه و جودة المنتج عندهم .

مثل ما موضح بالصوره اللي بالبوكس ..

- باليت آي شدو

- بلاشر باليت

- بلاشر كريمي منفرد

- لونين من اقلام الكحل 

- روج 

 الباليت الكيوت الباكج اللي  سلك الطابع البحري و زرقة البحر و لون الرمال جمال جمال

الألوان اللي احتواها الباليت اعتبرها تغيير لي بصراحه اول مره اتني الوان الازرق وتدرجاته 

سويت كذا لوك بالألوان من باب التجربه و اللعب فيها، الألوان واضحه سهلة المد و الدمج .

الأرق الغامق و السماوي حبيتهم لتحت العين وضوح من اول استخدام .

الألوان الاولى اللؤلؤي او على صدفي و اللي اسفله حبيتهم شيمري اقدر احطهم لحالها تعطي رونق للجفن .

باليت الشدو مكون من ثلاث ألوان، حلوه الفكره ثلاثه في واحد سهل الحمل في الشنطة و بالسفر

صبغتها عاليه جدا تندمج بشكل لطيف و ماتعطيك اللون الأشهب بالعكس 

تنور و تعطي رونق للوجنتين بشكل طبيعي ثباتها تقريبا الى خمس ساعات وهذا غالب على البلش خصوصا مع الحر و الرطوبه ولكن لا مانع من تجديد مره اخرى .

اللون اللي بالوسط ماناسبني و ماحبيته كثير يمكن يناسب نو بشرات اخرى .

تركت كل البلاشز و استخدمه هو فقط .

البلاشر البنكي الكريمي لكن ماهو الكريمي المزعج بمجرد تطبيقه على البشره يقلب بودري و لا يلطخ الوجه 

سهل المد و لون طبيعي اذا اندمج و اخذ بكميه كافيه بسيطه .

كنت اتخوف من احمر الخدود الكريميه بس حبيته من هذا نوع تجربه جديد بالنسبه لي .

الروج الاحمر ( ساتين ) لا هو كريمي مرره ولا مطفي وسط.

اللون جميل و فخم لكن عيبه ثباته جدا جدا خفيف بسرعه يختفي .

اقلام الاكحال الاسود الفاحم غني باللون الاسود مش باهت او مطفي و الآخر يميل لدرجه الكحلي اكثر من الازرق الغامق

تميز باللون الواضح من اول ماترسمينه بعينك ثابت لساعات ما لاحظت انه يسيل و يسوي سواد مزعج تحت العين.

اما اللي مدار عينها وجفنها دفنها تحط برايمر يحد من الدهون قليلاً.

ما انكر ولا ابالغ بجوده المنتجات خصوصا اني اول مره اقتنيها والسبب عدم توفرها عندنا

و اشكرهم انهم عرفوني على بعض من المنتجات و عندي حماس اجرب اشياء ثانيه من عندهم.

ابدا لا تترددي في اقتناء شيء منها ما راح تندمين بس اختاري اللي بينفعك دايم.

للاطلاع على موقعهم خصوصاً مسوين خصم ٥٠٪ لحقو عليه . ( هنا )