تجربتي مع مقشر توني مولي ومقارنه مع بيبي فوت

مقشر توني مولي ثاني منتج او مقشر استخدمه في هالسنه التقشير جميل ومفيد ولكن 

اللي مضايقني المده اللي تاخذها بس النتيجه تنسيك الايام اللي راحت.

في هالتدوينه راح اتكلم عن تجربتي عن هالمقشر و مقشر بيبي فوت الشهير.

في البدايه المقشر كوري واشتهرت هالفتره توني مولي بكذا منتج .

محتويات المنتج جوارب و المحلول و المرطب كما هو موضح بالصوره اللي بعدها.

طريقه تطبيق المقشر: 

- نفتح الجوارب وتلبس بعدها افتح المحلول اللي هو على شكل فوت افتح واحد واحد بحذر لإن المحلول سايل

ويمكن تخسرينه تفرغين كل محلول بقدم وتسكرين الجوارب باحكام وتلبسين الجوارب حقتك القطن وتقومين تضغطين عليها شوي عشان تحسين ان المحلول وصل لجميع الاماكن .

( نصيحه لاتحطين المنتج و تمددي على او الكنب لانه سائل جدا وراح يطلع لبرا انا سويته و تمددت بفراشي وطلع بعضه لجواربي الثانيه :(  ) .

تخلينه لمده ساعه ونص الى ساعتين انا خليته ساعه ونص مليت منه، وبعدها غسلت رجولي وجففتها بالمنشفه

وحطيت هالكريم المرطب ونعيماً.

مده ايام التقشير :

اول ثمان ايام ماكان فيه اي تقشير ترطيب بس 

سابع وثامن يوم بدا يجف الجلد واشوف قشور خفيفه خصوصا على الاصابع واستمر هكذا 

الى اسبوع زياده تقريبا والجلد يتقشر من الاعلى والاسفل الكعب والاصابع.

( المده بنظري كانت طويله الى ان جف الجلد وبدأ يتقشر حتى خفت يجي العيد ولسه في قشور واضحه وانحرج

بس الحمدلله جا العيد وكان على خفيف ) 

النتيجه :

بكل صراحه ماكنت راضيه تماما عن النتيجه هو صحيح تقشر الجلد من الاعلى وصار الجلد نااعم ونظيف

وعلى الاصابع لكن جلد الكعب ماتقشر بشكل كامل وعميق .

توقعت تقشير اقوى خصوصا انها اصعب منطقه بالتقشير.

مقارنه بين بيبي فوت و توني مولي :

(مع الاسف مافيه صوره تجمعهم مع بعض مدري فين راح العلبه حقته لكن هي موجوده بالانستجرام تبعي للتوثيق) .

- بيبي فوت اول يوم ترطيب واقدام ناعمه، ثاني وثالث ورابع  يوم جفاف واحساس بحكه عند الاصابع،

خامس يوم يوم بدا يتقشر على خفيف بالاصابع،

 السادس والسابع الى الحادي عشر بدأ يتدرج التقشير وكل يوم يزيد اكثر واكثر لين نظفت تماما بالخامس عشر.

ـ البيبي فوت تقشير عميق وخصوصا الكعب والاصابع بجد صارت بيبي الاقدام .

ـ توني مولي التقشير اكثر شي كان بالاصابع واعلى القدم اكثر من اسفلها ( اقصد الكعب ).

ـ البيبي فوت مدته دامت الى ثلاث اسابيع وانا ما كنت اهتم بالترطيب وكنت متعمده عشان اشوف فعاليه المنتج الى متي تستمر فعلا بطل بطل .

ـ توني مولي ماطول اكثر من اسبوعين وكان مع ترطيب يوميا لان النتيجه ماكانت مرضيه قلت احافظ اكثر واستفيد لفتره على الأقل .

ـ البيبي فوت مزعج بالقشور اللي تمسك بالفرش والكنب تلقينه بكل مكان ههههه عكس توني مولي خفيف القشور ماهي مزعجه .

( المقارنه كانت اكثر شي من ناحيه عمق التقشير وليس من ناحيه النعومه لأن النعومه شي مؤكد حتى لو نقعتي رجولك بمويا دافيه وحطيتي لها كريم ثقيل ).

* بس في شي ماني متأكده منه هل مفعول توني مولي كان مفعول خفيف لإن كنت مسويه قبل اربع شهور 

بيبي فوت وخفت القشور معاه او هي كذا نسبه تقشيره النقطه هاذي راح احدثها لما اختي تعمل التجربه مع توني مولي لانها ماسبق وسوت بيبي فوت واخبركم .