| BOOTS | مراجعه مرطب للوجه والعيون وسكرب من بوتس

خط العنايه من بوتس متنوعه كان فيه كذا نوع وبلون، الفتره اللي مضت حبيت اجرب منتجات سعرها متوسط وخفيفه تكون بمتناول الأغلب كان اكثر من منتج على ما افتكر منها الغسول و مناديل و سكرب و جل العيون و مرطب.

وقع الاختيار هاذي المنتجات بالخيار وتحتوي على نسبه تفتيح فيه بعد بالخيار فقط لونها اخضر.

سكرب الوجه ملمسه كريمي مع حبيبات صغيره تساعد على تقشير الطبقه العلويه بنظري ينظف الدهون والقشور الخفيفه

تطبيقه يوضع على الوجه عدا منطقه حول الفم ومنطقه العينين اكيد.

استعمله اذا احتاجت بشرتي تقشير خفيف واذا ما استخدمت فرشاه الوجه مع الغسول اكتفي فيه فقط.

تقييمي له: منتج ينفع للبشرات الصافيه لا تحتوي على مشاكل من حبوب و بثور وغيرها لإنه سكرب خفيف .

جل العيون ماراح اطيل في الحديث و التقييم له راح اكتفي انه مجرد جل بارد يبرد منطقه حول العينين

احساس حلو لما تحطينه براد براد و اللي لاحظته ترطيب لا اكثر.

المرطب اقدر اقول عنه انه جيد ترطيبه متوسط كنت استخدمه بشكل متفاوت بينه وبين مرطب نمبر سفن

بس عطيته الوقت الكافي للحكم عليه بالنسبه لبشرتي المختلطه يكفيها هالنوع من الترطيب بعد روتين الصباح ادهن 

منه نقط موزعه ما احب اكثر لان احيانا بشرتي تصير تلمع بعد كم ساعه واحيانا الوضع طبيعي مزاجات.

هو افضل منتج من المنتجات اللي جربتها ( اقصد اللي بالاعلى ) .

بالختام هالمنتجات للي تعاني من جفاف شديد تصبغات و هالات سوداء ماراح تنفع معها

تحتاج الى منتجات مستوى المعالجه فيها عالي .