رسم الحواجب بشكل طبيعي وبسيط

اهلاً صبايآ ..

الحواجب هي شكل الوجه تغير الملامح و اول شي يلفتني لما اتأمل احد بوجهه 

الحواجب كل ما غيرتي رسمتها كل ما اختلفت ملامحك يا تعطيه حده بالملامح او نعومه 

انا اكثر شي احبه بحاجبي تكون مرتبه يا اقص الزائد او اشقرها وبعدها استمرت مسيره التشقير...

وكل مره عن مره تعلمت وعرفت ايش اللي يناسب وجهي، كل ماخففت الرسم والصبغه كل ماعطتني شكل طبيعي وخفيف

هبيت فتره بالصبغه والتشقير لانه يريحني ويجلس اسبوع حواجبي نظيفه مرتبه بس اول الايام اكرهها لانها تعطيني حده ماتعجبني ابد ابد بطبيعتي ملامح وجهي حاده مايصلح ازودها لووول ....

المنتجات اللي بالصوره الاولى ما استغني عنها وارتحت لها كثير والسبب انها تعطيني حواجب طبيعيه .

( بعد تخطي الخطوه الاولى اللي هي التشقير ما ادرجتها لانها صارت معروفه للجميع او بعضهم يسوونها بالصالونات بس اكره شغلهم مو الكل يضبطها اسويها بنفسي و على اللي يعجبني ).

| حواجبي شعرتها خفيفه اقل من المتوسط في الكثافه | .

- طريقه رسم الحاجب :

اول خطوه تبلشين فيها ترسمين الذيل اقصد من المنتصف الى نهايته طبعاً يعتمد رسمك على طريقه تشقيرك رفعتي الحاجب

صغرتي من طوله و هكذا تاخذين نفس هالفرشاه المشطوفه وتختاري اي نوع جل الحواحب او الباودر.

جل الحواجب من انستازيا جميل جدا ودرجات الالوان منوعه اخترت درجه الشوكليت ثباته عالي ونقطه منه تكفي وتزود

اخذ منه بالفرشاه بخفيف واشيل الزايد بمنديل او على يدي لانه كريمي و مرن بس اللي لاحظته نشف شوي من بعد استخدام شهرين 

لكن لايعيب ولا يشوه المنتج.

هنا فيديو رسمها بجل الحواجب اللي كذا بيرفكت عندي .

دائما تجنبي اللون الاسود يزيد قساوه وحده بشكل مزعج و شكل غير طبيعي، هذا الباودر من بودي شوب الحين ماصرت استخدمها كثير الا نادراً والسبب ثباتها مو عالي ومع الشيله والغطا يروح و الاجواء الحاره ماتنفع ابد.

ـ الخطوه هاذي تابعه للي قبل نرسم ذيل الحاجب  ( اختياري ).

ـ بعدها ابدا ارسم شعره شعره او زي الخطوط الرفيعه لتعبئه الفراغات ( للحواحب الخفيفه ) لا تطمسين حواجبك وكنك تلونين

ابدا مو حلو النتيجه لمقدمه الحاجب .

ـ مسكره الحواجب من بنفت كفيله بتعبئه الفراغات بالحاجب وترتيب مقدمه الحاجب ( بديله للقلم و رسم شعره شعره ).

جدا جدا جميله من المست هاف عندي لونها ملائم للأغلب تقريباً وفي افتح برضو.

وهنا فيديو لتوضيح تطبيقها على الحاجب .

ـ اخر خطوه لتحديد الحواجب و تبين انها نظيفه وصافيه الحدود استخدمي كونسيلر احطه على الحدود وادمجه بالفرشاه

اي فرشاه فلات عندك ( الدمج يكون على برا ). 

ـ اخر شي دمج واشيل الزايد بالبيوتي بليندر و خلصنا و النتيجه بيرفكت .

ملاحظه: الخطوه هاذي مو اساسيه .

و مع الايام راح تعرفين لحواجبك وايش اللي يناسبك خصوصاً للمبتدئات .

وهاذي كانت طريقتي المعتمده لحواجبي اتمنى استفدتو منها .

لمتابعتي على الانستقرام :al_dalalblog

والسناب شات: dmoh00