براند نمبر سفن احد البراندات المعروفه في صيدليه بوتس واسعارها متوسطه تناسب الأغلب و نتايجها على ذلك جيده، راح اسلط الضوء على ثلاث منتجات جربتها بالشهور اللي فاتت كانت النتيجه مرضيه الحمدلله.
المنتجات تخص البشره الجافه وشديده الجفاف و المختلطه ( تكون عندها مناطق دهنيه ومناطق جافه).
بشرتي للنذكير : مختلطه تميل للدهنيه ولكن اعلى الوجنتين تجف عندي وانا الآن اسوي تقشير لبشرتي وجفت واحتجت شيء يرطب ويساعد مع التقشير .
كريم النهار يوعد ببشره جميله ورطبه للبشره الجافه وشديده الجفاف
نسبه الحمايه +15
والأشعه الفوق البنفسجيه طويله الموجه +5
النسبه قليله لابد من واقي اذا بتطلعين برا البيت ( اقل شي النسبه تكون +30 و على رأي احد الدكاتره يقول +30 or +50
تكون كافيه نوعا ما بعض كريمات الحمايه تصل الى +100 ولا يوجد كريم بهذه الفعاليه للحمايه كان ودي اتذكر اسمه لكن نسيته).
الكريم خفيف لطيف وسهل المد على البشره سريع الامتصاص رائحته ماهي مزعجه ابداً، بعد تنظيفك لبشره خذي كميه اللي تكفيك لا تبالغين فيه ( ولذوات البشره المختلطه مثلي حطي شي بسيط و نقطتين على المناطق الجافه).
فيه منه كريم ليلي للي حابه تاخذ خط العنايه كامل بس انا استغنيت عنه بحكم استخدم كريمات اخرى بالمساء.
استمري عليه يوميا وشوفي النتيجه و الترطيب الواضح والقشور والجفاف راح يختفي .
سعره ما اذكر لكن تقريبا :٨٠ آو ٨٥ ريال .
يتبع الكريم الماسك يعزز الرطوبه في البشره فعلاً هالماسك فعّال جداً، يطبق على البشره مرتين بالأسبوع لمده ربع ساعه
بمجرد ماتغسلينه تحسين بترطيب ونعومه ومع الاستمرار يتغير ملمس البشره من ضمن مكوناته كوكو بتر بس خفيفه، البشره الجافه بتلاحظ تدريجيا كيف تحسن بشرتها.
صرت استخدمه لتهيئه بشرتي قبل الميك اب جميل يعطي ترطيب واضح .
سعره بحدود ٨٠ .
تونر وظيفته يعمل على نظافه ونضاره البشره و أيضاً صقلها، ويساعد في تقليل المسامات .
التونر من النوع اللطيف مايحرق ولا يحسسك ان بشرتك مشدوده او يحرقها.
من ناحيه رأي فيه مالاحظت انه قلل المسام او اعطى اشراق بس جيد في تنقيه البشره من الشوائب .
سعره ٧٥ ريال .
Comments
Post a Comment