gohnson face care

السلام عليكم والرحمه ..

و اخيرا عوده للتدوين من جديد واللي يتابعني بالتويتر والانستقرام كنت اكتب او انزل شغلات مع بعض التصوير

اليوم راح اكتب ريفيو بسيط عن منتج من جونوسون ..

لوشن منظف ومنعش .. بالفعل منعش يعني فيه ذرة انتعاش ..

هذا يابنات وانا اتمشى بالسوبر ماركت بالأخص القسم العشق عندي الكريمات والشغلات هاذي حتى لما اختفي بالسوبر ماركت يقولون اكيد بنلقاها هناك ههههه .

بس من زود الانتباه اخذت للبشره العاديه وش احس فيه مدري حتى مدري ايش اخذت من عندهم للعاديه

لكن بما انها للعاديه عادي ماراح تفرق عن بشرتي المختلطه .

مثل ماهو مكتوب عنه - ينظف،ينقي،يرطب مثل ماهو معروف عن منتجات جونسون شعور بالترطيب والنعومه ..

قوام لوشني توزعينه على الوجه او تحطينه بالقطن وتمسحي وجهك حبيت نتيجه التنظيف .

انا لما اشيل الميك اب تبعي اول شي امسح بمناديل جونسون اخفف من كثر الدعك وبعدها اكمل اشيل بقايا الشدو والكحل والمسكرا

والاهم المسكرا ينظف بدون ماتحسي وجهك نشف و زي الحرارة فيه .

وبعدها اكمل تنظيف جل وغيره الين انتهي بالترطيب .

ينفع كمان للي حابه تنتعش او تنظف وجهها من الشوائب.

ينفع للي بشراتهم جدا حساسه مثل ماهو مكتوب على المنتج .

سعره :ما اتذكر

ريفيو قصير جدا

و استعاده للذي مضى

للي حاب يتابعني على التويتر والانستقرام يضغط على الايقونه

شكرا ..

Comments

امنيات و احلام في عام ٢٠١٥ | تأملات سعيده لعامٍ سعيد |

ترددت في الكتابة كثيراً ، لي مايقارب الاسبوعين اتسآل هل اكتب أو لا ؟!. قلت وش اكتب او وش اللي راح اضيفه و يستفيد منه القارئ، و بنفس الوقت اقول لنفسي مو شرط يكون له ذيك الفائده و ممكن البعض يستفيد و ممكن ناس توافقني في بعض كلامي اقلها اقلها تستمع بالقراءة، والأهم الأهم قلت اذا ربي عطاني عمر لنهاية هالسنة اشوف نفسي هل انا مثل ما انا او حققت شيئ !!. ( حسيت اني ماراح ارتاح لو مر هاليوم و ماكتبت شيء احتفظ فيه لأعوام ) . يبقى شي للذكرى للآيام والأعوام القادمة للآجيال من بعدنآ، في زمنا الحرف و الكلمة مع السوشال ميديا تختفي مع الزمن الخواطر، المعلومات العلمية ، و غيرها ، او حتى ممكن تتعرض للسرقه و انتسابها لشخص آخر بغير حق . قبل كم سنة كنا نستفيد من المواضيع اللي تطرح في المنتديات بأي قسم كان و كان فيه هناك منتديات لها مكانة ولا زالت ولكن الأغلب مال الى البرامج بحكم انها اسهل و اسرع شيئ طبيعي تعتبر مواكبة الزمان و سرعته، بس الاسهل عندي صفحات المنتدى اذا بغيت طريقة شي او احتاج معلومة اروح لقوقل و الشي اللي صار يفرحني يطلع كم موضوع في قوقل من احد المدونات العربيات وا...

بلانر kikki.k | وصف و طريقة اتباع التنظيم و التخطيط

عام جديد و تغيرات جديدة ، احد هالتغيرات التخطيط الورقي اكتب المهام و الأهداف على ورق بحيث تكون قدام عيوني و ما انساها او اتجاهلها، لإن الشيء كل ما كان قدامك تحس انه لازم تسويه ماراح ترتاح لين تنتهي منه. انا بحكم نسياني وكسلي احيانا ما اقدر اسيطر على نفسي و اكتفي بالتجاهل و التقاعس و اسوي شيء ابدااا. جربت اكتب مهام و اشغالي كل يوم بيوم و الحمدلله حسيت الوضع عجبني و يومي صار منظم، اصحى من نومي و اشيك وش اسوي اليوم من اشغال . لو ما التخطيط مهم ما كان احد حثّ عليه ماهو هبة حقت سنه سنتين هو قديم بس قليل اللي يسويه ليش ما كل وحده تكتب النتيجه اللي وصلت من التخطيط مو مرتبط بموظفة و الا طالبه المهام والاشغال مستمرة طول ما انتي عايشة حتى نستشعر قيمة الوقت و ما يروح سُدى !! لا ننسى قول الحديث النبوي " عن عُمرِه فيِما أفنَاه " . - مثال لتخطيط خفيف خلال يوم : تجهيز فطور ملكي لنفسي او لعائلتي، اقرأ كتاب مع كوب قهوة ، آسوي سلطة ، ادرّس اولادي ، اخذ شاور ينعشني و هكذا دلعي نفسك بالكلمات مو كأنك تأمرينها خصوصاً بالمهام أما الأهداف كُوني جدية اكثر اعطي كل ذي حقٍ حقه ....

مثبتات الشعر ( سبراي،رغوه،حماية)

مساء الخير وش اخباركم اشتقت لكل شي حلو الواحد يغيب ويرجع بلهفه وماتكون منقطعه ان شاءالله احس اني مقيده انقهرت على اللاب مدري اشفيه موراضي يفتح المدونه جربت من الجوال والتاب تمام والحين اكتب البوست من التاب شي غريب وجديد اكتب بوست بالعاده بس اتصفح او يوتيوب . نبدأ بتدوينتنا لليوم اربع منتجات جربتها بالفتره الاخيره كان ودي اتكلم عنها من وقت بس ماعليه لتأكيد التجربه اكثر.

AlDalal's Blog

Search This Blog