مساء الخير / أخبار العسولآت ..
اليوم جايبه لكم تدوينه للي تعاني من الشعر الجاف وتتعب من تسريحه أو لما تستشوره مايكون على الشكل المطلوب
يكون جاف يعني اللي يناظر له يشوفه كأنه جاف باهت جربت الماسك هذا من شركه باريسيه تدعى ب فايتو للي حابه
تطلع على منتجاتهم تكتب بقوقل ..
نتكلم شويه عن المنتج ..
هو ماسك للشعر الفائق الجاف ( ماسك اللمعان والتغذيه القصوى ) ..
زبدة الكاريتيه وزيوت البلاذر والباستل، ماسك مرهمي حمام تغذية للشعر يرمم الشعر التالف ويجدد بنيته في العمق يعمل على تجديد خلايا الشعره وإنعاشها، ليستعيد الشعر حيويته في العمق وكذلك مرونته ونعومته ولمعانه .
لما الشعر ينقص منه الماء والدهنيات يفقد لمعته وحيويته وبعدها يتقصف ويصعب تسريحه وخشن ..
عشان كذا لابد من الماسك للشعر للمعادله بين أضرار الشامبو و عوامل الجو والنفسيه المتقلبه ..
وكل ماكان الماسك طبيعي يكون أفضل ..
شايفين كيف قوامه ثقيل و كأنه مزيج بين الشمعي و الكريمي ..
* طريقه استعماله :
تاخذين مقدار بسيط مثل حبه الجوزه وتوضع من وسط الشعر والأطراف الماسك جدا حساس
لاتبالغين فيه كميه بسيطه بس واتركيه من 10 دقايق الى 15 دقيقه فقط لا أكثر وانتي بالحمام أصبري شويات واغسيله جيدا
بغزارة عشان مايبقى له اثر يستخدم مرتين بالأسبوع ..
** تقيمي له :
بصراحه يا بنات نيجته نوعا ما مرضيه كنت استخدمه واستخدم ماسكات مختلفه بين وقت الثاني
هالماسك اعطيه يمكن 8 من 10 اللي شفته يرطب الشعر بمجرد اغسله احس الشعره فعلا ملمسها طري وفيها حيويه
ولما أكون بسوي له اسشتوار وخرابيط كمان حلو يبين شكل الشعر ومنظره بس انه اوفرررر بس ممكن يساعد
اللي شعرهم جعععد جدا راح يفرق معها أكثر بالمفعول هو معالج ويحسن الشعر بالاستمرار من وقت لوقت مع عنايتك لشعرك أكيد .
** سعره : 80 ريال أماكن الشراء بالواقع بحثت عنه بكذا صيدليه لتوفر منتجات هالشركه ان شاء تلاقونه بالنهدي أو صيدليات كبرى لانه أنا اخذته من صيدليه تتبع لمستوصف يوفرونها فيه أسمه صيدليه الراي ..
اتمنى عجبكم البوست ..
تابعوني على صفحاتي على يمين الصفحه ..
دمتم بحب