مسَاءء الخَير يَ حلوات (:
جا على بالي أكتب هالبوست عشان الاغلب يستقبله بتذمر وأحيانا أنا اصير منهم هههه ( بس أنا بشكل عام أحب أحب الصيف الشتاء و أجواءة إذا كان بارد حبتين مااتحملها على قولة أهلي ماتعيشين بالبرد ) .
بدل مانقول طول يومنا أوف حر أوف رطوبه أووف شمس كيف نطلع كيف نروح ونفكر نقضي صيفنا بمناطق بارده
طيب أحس حرام يروح علينا هالصيف كده والله كله فوائد العرق اللي ينزل والعطش اللي نضطر نشرب كل شي قدامنا ونتروش يمكن مرتين و أكثر إن لزم الأمر طيب كل هالشغلات اللي نسويها ليه مانسويها بطريقه ممتعه ومنعشه ؟!! .
فصل الصيف مليئ بالانتعاش والمتعه شيء يعوض شيء الشتاء متعه مع شرب الأشياء الدافيه وأحساس بالدفاء والأحتواء
الصيف فصل الانتعاش واطلاق العنان عن كل عضو فيك الله منعم علينا بالفواكه ذو الطعم والشكل والرائحه حاولي تملئين ثلاجتك دائم منها عجزانه تاخذين وتقطعين وقت الغذا أو الفطور ابدأي قطعي كل ماحتوت ثلاجتك حطيها قدامك بالثلاجه طبعا غطيها بنايلون أو بعلب حافظه عشان قيمتها ماتروح وبرضو ماتاخذ ريحه من الاطعمه اللي في الثلاجه سواء انتي تاكلين منها أو اهل بيتك متعه متعه . ايضاً ابدعي بخلط الفواكه مع الزبادي أو لوحدها وانتجي أجمل عصائر طبيعيه وطازجه تنشرب بوقتها .
* الصيف والرطوبه أكيد الجسم بينكتم راح يفرز عرق والعرق اذا برد ونشف على الجسم راح يطلع ريحه نتنه وايضاً يحبس الجلد عن التنفس بالأخص اللي جايين من دوامات الظهر أو اللي تشتغل بالبيت وتطبخ الجسم يمسك ريحه ويطلع عرق كل هاذي تاثر بالجلد من حيث تجمع الأوساخ وظهور الحبوب والبثور وايضاً الشعور بالملل والضيق وافراز عرق أكثر في الساعات الأخرى من اليوم ترا عادي نتروش باليوم مره ومرتين دام هذا بيريحني وبينعشني ياهلا فيه في مو شرط بكل ترويشه اذا بنفس اليوم بزين مقشر اكتفي مرة بمقشرك اليومي ومرة ثانيه شاور جل منعش كذا وياكثرها وياكثر نكهاتها.
* ايضاً احرصي على ملابسك الداخليه اللي تلامس جلدك تكون قطنيه خاصه بالحر في أشياء من حرير والشغلات هاذي إن لبستيها لاتطولين فيها حاولي تغييرينها خذي الوان منعشه بالصيف العبي بالألوان وخذي مقاسات واسعه مو تضيق صدرك وانتي لابستها فقط متعي نفسك واستمتعي بالصيف .
لاتنسين طبعا تبردين على قلبك والانتعاش بالايسكريم ومايحتاج أوصيكم طبعا هههههه
واكيد طبعا الواقي جدا جدا مهم يكون معك كل ساعتين تحطين منه سواء كنتي برا او على البحر تحطين على كل وجهك يدينك ورجولك لاتقولين متغطيه لا اللون الاسود يسحب حرارة الشمس بالأخص للي يسوون تقشير ويستخدمون كريمات تفتيح راح يسبب أثر.
للي حابه تشوف الريفيو حول هالواقي تتفضل بالتدوينات السابقه .
* لاتحرمين نفسك وعائلتك من طلعة البحر والشاليهات غيري من روتينك حاولي ترتبين لطلعه مميزه ومريحه
* اختاري ملابس مريحه وقطع لك ولاطفالك خفيفه .
* لاتنسين القبعه والواقي من الشمس وحقيبه واسعه تكون خاصه بطلعات هاذي .
* الأسواق مليئه بالفساتين القطنيه والحراير الخفيف قطع ذات مطبوعات مورده و غيرها أقتني شيئا منها .
اضفت بعض القطع تناسب للصيف ومناسبات خفيفه ومنها انتي بذوقك تقيسين وتختاري ماترغبين .
احبي نفسك بجميع الفصول واهتمي بها انعشي صيفك قدر المستطاع لايوجد أجمل من فصل الصيف ياجميله .