أغراضي الجديدة اللي فرحانه فيها !

  اهلا وسهلاً 

اغراضي ومشترياتي الجديدة اللي اسوي قصة عليها قبل مااشتريها واتمنى اقتنيها بأسرع وقت ممكن ، خلاص موقادرة انام إلا وهي عندي ......

الحمدلله بعد كل الفوضى والزحمة اشتريته هالغرض، ومبسوطه اني امتلكته وتم ركنه بأحد الأدراج.

جا يوم ثاني وانا اتصفح جديد المنتجات وقعت عيني على منتج آو شنطة جديدة جازت  لي ورجع الحماس عشان امتلكها وتم الشراء وركنها بأحد الأدراج وهكذا حتى الى مالا نهاية ......... !

استوقفت قليلاً مع نفسي اسألها ليش مااستخدم اغراضي الجديدة ؟

ليش كل ماكانت فيه مناسبة عندي افكر على طول واقول وش البس؟ وش اخذ شنطة؟ آو ايش الاكسسوار اللي بلبسه

طيب ! واغراضي اللي عندي الجديدة اللي مركونة بالدواليب !! 

(كلمتي المعتادة واكيد الأغلب يقولها ماعندي شي البسه ؟.. )

( انا اتكلم عن الفئة اللي تسرف في الشراء دائماً ) .

الشراء بلا وعي هدر الأموال فقط بمجرد حب الامتلاك وجعلها مجمدة لا تستهلك ولا تستخدم حتى، اعلم ان هناك هوس الاقتناء وهو متعدد على حسب هوية الشخص وما يميل إليه ، واعلم بأن هناك اضطرابات نفسية تجعل المريض لايتوقف عن الشراء، ولكن هل هذا صحيح بأن ارهق نفسي واقوم بجمع منتجات لها مدة صلاحية وتنتهي ولا استخدم اي شي منها آو اقوم بجمع عدة فساتين في خلال عام ، ثم في العام الجديد اقوم بشراء غيرها ( اكيد في دولاب كل بنت ملابس مانلبست إلا مرة وحدة أو حتى مانلبست يمكن بالتاق حقها ) ..

على مرور هاذي الأعوام عرفت وفهمت ايش الأشياء اللي راح اقتنيها واحط مبلغ فيها وانا عارفه بستفيد منها نظام اللي اشتري وبستفيد منها بعدين خربوطه كم كريم شريته وانتهى تاريخه ولا استخدمته بسبب اني انساه او اتعيجز اطلعه 

او استخدم شي قدامي وذاك بكره بحط منه بكره جا بكره وخلصت السنه وانا ماخلصت ربعه لا انا اللي استفدت منه ولا انا اللي حللت فلوسي اللي حطيتها فيه ! . ( مثال بسيط بس ينقاس على اي غرض تاخذينه ) ..

الغرض من هاذي المدونه اوجّه الكلام لي أولاً وللي يستهلك بالشراء ولايستفيد اولا خلونا نستشعر اهمية كل ريال اندفع

بالقطعة هاذي وكيف قطعنا عمرنا عشان ناخذه او خلينا من مصروفنا على جنب عشان نشتريه أو ضغطنا على الوالدين بحجة أهمية الغرض لنا، ايضاً حتى الشخص اللي عنده القدرة بالشراء ولا يفكر بقيمة اللي يصرفه لو مثلاً انقطع عنك المصروف فكّر كيف تعمل ونهاية الشهر مبسوط بحصولك على الراتب وتروح تشتري وتخلصه على الأغراض اللي عاجبتك وتحلم فيها ايام وثم ترميها ولا تستخدمها ! 

قدّر قيمة جهدك ووقتك بعدها قدّر واحرص على ماتقتنيه ، اشتري ماتحتاجه فقط 

احرص على استخدامه بالإستخدام السليم لإن هناك بعض الأغراض، لو احتجت يوماً لبيعها سوف تعود عليك بمبلغ جيد.

القاكم في تدوينات جديدة سلطت الضوء على مساحة بسيطة جداً ماحبيت اتوسع 

واذكر نقاط اخرى ويصبح السرد ممل للقارئ ولكن متأكدة بأني ركزت على نقطة مهمة عند الأغلب ..

يشرفني زيارتكم في سنابي dmoh00

او انستقرامي : al_dalalblog